Amnest Cymru

Mae Amnest Cymru’n gweithio’n lleol ac yn genedlaethol. Rydym yn gweithio gyda llywodraeth Cymru, y Senedd, a sefydliadau ac mae grwpiau Amnest lleol yn ymgyrchu mewn cymunedau ledled Cymru. Gyda’n gilydd, rydym yn ymgyrchu i atgyfnerthu hawliau dynol.

Ar 7 Mai 2026, fe wnaeth Cymru ethol aelodau newydd ar gyfer y Senedd a llywodraeth newydd i Gymru.

Mae hwn yn gyfle hollbwysig i osod hawliau dynol wrth wraidd y Senedd.

Mae pawb yn haeddu’r hawliau sylfaenol sy’n angenrheidiol ar gyfer bywyd da – tai, bwyd, gofal iechyd ac addysg.

Mae’r hawliau hyn yn rhyng-gysylltiedig ac yn ddibynnol ar ei gilydd er mwyn sicrhau safon byw ddigonol i bawb.

Ledled Cymru, gwelwn yr un heriau. Mae pwysau ar safonau byw wedi dwysáu ac mae anghydraddoldeb wedi lledu. Mae bywyd wedi mynd yn anoddach, gan adael llawer o bobl yn stryffaglu i sicrhau’r hanfodion sydd eu hangen er mwyn byw’n urddasol.

Ond nid yw’r pethau hyn yn anochel. Maen nhw’n deillio o ddewisiadau gwleidyddol.

Mae pobl yng Nghymru eisiau gweld cymdeithas deg a gweddus lle nad oes rhaid i unrhyw un frwydro dros yr hanfodion. Mae bil hawliau dynol a fydd yn cyflwyno amddiffyniadau cyfreithiol cryf ar gyfer yr hawliau beunyddiol hynny yn gam hanfodol ar gyfer cyflawni’r dyfodol hwnnw.

Trwy flaenoriaethu Bil Hawliau Dynol i Gymru, byddai’r Prif Weinidog yn arwain newid trawsffurfiol. Yn ogystal, byddai’n gwneud datganiad am y math o Gymru y mae eisiau ei hadeiladu.

Mae Amnesty International wedi cyhoeddi maniffesto hawliau dynol sy’n nodi ein galwadau ar Lywodraeth nesaf Cymru i greu Cymru fwy cyfiawn a mwy cyfartal. Anogwn lywodraeth nesaf Cymru i:

1. Gyflwyno deddf hawliau dynol ar gyfer Cymru
2. Cefnogi hawliau dynol trwy gaffael cyhoeddus a buddsoddi
3. Hyrwyddo a diogelu hawliau dynol yn rhyngwladol