Annwyl Gefnogwyr,
I ddathlu tymor yr ŵyl, dyma rai rhesymau am fod yn hapus. Anaml iawn mae penawdau’r newyddion yn gadarnhaol. Eto o edrych yn ôl ar 2009, rydym wedi gweld llawer i’w ddathlu – hoffem rannu ychydig o’r uchafbwyntiau hyn gyda chi.
Diolch am eich holl gefnogaeth yn ystod y flwyddyn.
Yn gywir,
Kate Allen,
Cyfarwyddwr
| RHYDDID i un o garcharorion Guantánamo |
 |
Ym mis Ionawr, cyhoeddodd yr Arlywydd Obama y byddai Guantánamo yn cau. Ym mis Chwefror, rhyddhawyd Binyam Mohamed. Diolchodd i’r rhai oedd wedi ysgrifennu ato, gan ddweud “Ni fyddwn adref ym Mhrydain heddiw oni bai am gefnogaeth pawb. Yn wir, mae’n sicr na fyddwn yn fyw heddiw o gwbl.” Mwy |
| GWEITHREDU ar ddiffyg rheolaeth ar arfau peryglus |
 |
Ym mis Ebrill, daeth deddfwriaeth newydd ar reoli arfau yn y DU i rym gan sicrhau na fyddai cwmniau arfau yn y DU yn gallu masnachu arfau bychain i ardaloedd poeth hawliau dynol. |
| AMDDIFFYNIAD i deulu o Brazil |
 |
Ym mis Gorffennaf, clywsom bod ymateb cryf gan Rwydwaith Gweithredu Brys Amnest wedi helpu i sicrhau diogelwch Jose Luis da Silva, Severina dos Santos Silva a’r teulu ar ôl bygythiadau i’w bywydau. Roedden nhw’n credu bod hyn yn gysylltiedig â’u brwydr am hawliau tir. Mwy |
| SIAWNS ARALL i Troy Davis |
 |
Ym mis Awst, ar ôl misoedd o ymgyrchu, dywedodd Uwch Lys yr UD y dylai Troy Davis., carcharor oedd yn wynebu’r gosb eithaf, gael cyfle i brofi’r ffaith nad yw’n euog cyn i dalaith Georgia ei ddienyddio. Disgwyliwn y bydd y gwrandawiad yn dechrau yn y Flwyddyn Newydd. Mwy |
| NEWYDDION DA o’r Cynulliad Cenedlaethol |
 |
Ym mis Hydref, pasiodd Cynulliad Cenedlaethol Cymru bleidlais sy’n clymu Llywodraeth Cymru i gyflwyno strategaeth integredig fyddai’n mynd i’r afael â thrais yn erbyn merched. Mwy |
| Cam mawr tuag ag GYFIAWNDER yn Gaza |
 |
Ym mis Tachwedd, gwelsom y symudiad mwyaf eto yn yr ymgyrch dros gyfiawnder i ddioddefwyr y gwrthdaro yn Gaza. Pleidleisiodd Cynulliad Cyffredin y Cenhedloedd Unedig i gadarnhau Adroddiad Goldstone. Mae hwn yn galw ar Israel a Hamas i ymchwilio i droseddau rhyfel neu wynebu ymyrriad gan y Llys Troseddau Rhyngwladol. Mwy |
